Goberno e Corporación

Son Santiago Freire, veterinario de profesión e Alcalde desta marabillosa vila dende o 17 de febreiro de 2016 para a cal, xunto ao meu equipo, traballaremos e gobernaremos para todos e todas.

O obxectivo desta páxina web é ter unha maior organización na información que ofrecemos dende o Concello aos veciños, así como poder facilitar unha maior accesibilidade, proximidade, participación, diálogo e sobre todo transparencia. Ademais, xa que estamos na sociedade da información, é fundamental a utilización dos recursos tecnolóxicos, isto reforzará a comunicación diaria con todos vós a través de Facebook e Instagram, onde actualizamos de maneira continuada a información.

En definitiva, o noso obxectivo é garantir unha maior e mellor comunicación a través da web e das nosas redes sociais, para que, coa vosa colaboración, sigamos mantendo e mellorando os servizos municipais que reciben cada uns dos veciños de Noia.